कविता -🌷 ' महान् संस्कृती ' तारिख - रविवार, २४ मार्च २०२४

कविता -🌷 ' महान् संस्कृती '

कवयित्री - तिलोत्तमा विजय लेले

तारिख - रविवार, २४ मार्च २०२४

वेळ - संध्याकाळी, ५ वाजून ३७ मि.

गुलाबी-गुलाबी गोड-थंडी धूम पळाली रे पळाली ...

होळी-फाल्गुन-पौर्णिमेची, आज आली हो आली ...

सारेजण उत्सुक, लाकूड-फाटादी करण्या गोळा,

टाकाऊ सामान-गोवर्या जमवा-जमवीसाठी पळा ...

सूर्यास्त होताच लहानथोर-सर्व उत्साहाने जमती,

पूजा करुन फेर धरती, होळीच्या अवती-भोवती ...

तरुण मंडळी जेव्हा करिती होळी-निमित्त शिमगा,

नाव घेऊन"बैलाला ढोल"असा, तेही दाविती इंगा !

दैत्य-हिरण्यकश्यपूने महाभयंकर कट होता रचला,

होलिकेमार्फत जाळून मारण्याचा, भक्त प्रल्हादाला ...

हिरण्यकश्यपूचा दुष्ट डाव भगवंतांनीच उलटविला,

होलिका-दहन करुन, भक्त-प्रल्हादाला वाचविला !

स्वयं नृसिंह-अवतारात पोट फाडून, राक्षस वधीला ...

परम विष्णू-भक्त-प्रल्हादाचा जीव पुनःपुन: रक्षिला !

त्याचा आनंदोत्सव साजरा करण्या, होळी-रंग-पंचमी ...

मतभेद-हेवेदावे पूर्ण विसरुन-निखळ आनंदाची हमी !

सुग्रास पुरणपोळीच्या भोजनाने सर्वजण होती तृप्त ...

शत्रुता विसरुन गळाभेटीने शत्रुत्व संपून, होई लुप्त !

अशी महान् हिंदू संस्कृती, असे महत्त्वपूर्ण सणवार ...

जगभरात अन्यत्र कोठेही शोधूनही नाही सापडणार ...

जगभरात अन्यत्र कोठेही शोधूनही नाही सापडणार ...

🌷@तिलोत्तमा विजय लेले

🙏🕉️🔆