कविता :🌷' माणूस नामक बेट '

कविता :🌷' माणूस-नामक-बेट '

कवयित्री : तिलोत्तमा विजय लेले

तारिख : बुधवार, ५ जुलै २०२३

वेळ : दुपारी, ४ वाजून ५० मि.

घोडेस्वार घोड्याला पाणवठ्यावर सोडतो,

तहान असेल तर घोडा पोटभर पाणी पितो ...

अन्यथा घोडा जागेवरुन हलत सुध्दा नाही ...

कुणी बळजबरीने पाणी पाजवू शकत नाही !

सद्गुरू अंतस्थ-गुरुची तोंड ओळख करुन देतो ...

शिष्यास तपशील जाणायची ओढ असल्यास,

त्या पथावर, पुढे तो अध्यात्मिक प्रगती करतो ...

अन्यथा संसार-रुपी-चक्रात गटांगळ्या खातो !

अंतस्थ-गुरुची-भेट म्हणजे जीवा-शिवाची भेट !

आजवर मनी दडलेल्या सुप्त प्रश्नांची उत्तरं थेट !

जन्म-व-मृत्युच्या कचाट्यात, जणू कमळाचे देठ !

लख्खं सूर्य-प्रकाशातील हेच माणूस-नामक-बेट !

@तिलोत्तमा विजय लेले

🙏🕉️🔆