कविता 🌷' अंतरंग -बहिरंग '

कविता - 🌷 " अंतरंग - बहीरंग "
कवयित्री - तिलोत्तमा विजय लेले
तारिख - २ डिसेंम्बर २०१६

अख्खं जगच भूलतं बाह्य-स्वरूपावर ...
पण बहीरंग असू शकतं फसवं अनावर ...

मीठ अन् साखर ...दोन्ही रंगांनं पांढरं 
एकाची चव मधुर ...एक मात्र वाटे खारं 
दूधही असतं पांढरं ...पण त्याचं तंत्रच न्यारं 

चवीला लागे खासे-खास ...तब्बेतीसाठी असे झकास ...
दिसायला पण असे, सुंदर ...पोषण-तत्वं,असती भरपूर ...

ऊस जरी बाह्यरूपी वाकडा-त्याचा रस मात्र,मधाळ-गोडा 
धनुष्याचा आकार जरी वाकडा, त्यातून सुटलेला बाण नसे वाकडा ...
अचूक नेमानुसार वेध तो घेई, न जाई वाकडा-तिकडा ...

नदी वाहते सागराच्या दिशेनं-वाट सापडेल तशी घेत, नागमोडी वळणं 
तिचं अंतरंग म्हणजे जलं-अथवा जीवन ...गोड असतं अमृता-समानं

कोकणचा खास मेवा-फणस-बाहेरून असतो काटेरी ...
पण अंतरी, गऱ्यांची माधुरी-चकितच करी सर्वतोपरी ...
त्याच्या,अंतरंगाची ही थोरी ...
अननसाला बाहेरुन, काटेच काटे-मधुर रसाचे, अंतरंगात झरे फुटे 

एक असे गोड-लिंबू ...अन दूजे कडू- लिंबू ...
गोड-लिंबू पेक्षा,अधिक...कडू- लिंबू खूप उपयुक्त ...
त्यात,आहेतऔषधी कैक अन् कित्येक गुण-तत्वं ...

जरी बाहेरुन खडबडीत कारले, चवीनंही कडू-कडू जरी असले ...
औषधी गुण, खूपच त्यात भरले ...नुसतं बाह्य रंग-रूप पाहू नये ...
अन त्यावर उगाच भाळू नये ...

अंतरी डोकावल्यावर ...खरा भाव दिसल्यावर ...खरी,प्रचिती घेतल्यावर ...
मगच उमगते कोण कसे ...वेळ आली की समजते ...कोण चांगले की वाईट ते ...

फशी पडू नये बाह्य-आवरणा ...अंतरंगी असती कळा-नाना ...
काळा- गोरा असतो कातडीचा रंग ...तो नाहीच महत्वाचा ...
निर्मळ-अंत:करणी, नको काळं-बेरं-मनाचा रंग महत्वाचा ...! 

🌷@तिलोत्तमा विजय लेले
🙏🕉️🔆





























Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more