कविता - 🌷 ' शब्द व त्यांचे सामर्थ्य '

कविता - 🌷" शब्द व त्यांचं सामर्थ्य "
कवयित्री - तिलोत्तमा विजय लेले 
तारिख - सोमवार, २३ जूलै २०१७ 
वेळ - दुपारी, १२ वाजून ४८ मि.

शब्द जगता,
आला पाहिजे ...
भिष्माच्या प्रतिज्ञेसारखा ...

शब्द जागवता,
आला पाहिजे ...
कर्णाच्या उदारतेसारखा ...

शब्द फेकता,
आले पाहिजेत ...
कसलेल्या नटसम्राटासमान ...

शब्द पाळता, 
आले पाहिजेत ...
एकलव्याच्या त्यागासमान ...

शब्द-वैभव जोपासता 
आले पाहिजे 
स्वातंत्र्यवीर सावरकरांसमान ...

शब्द फुलवता,
आले पाहिजेत ...
महाकवी कालिदासासमान ...

शब्द-न्-शब्द गाता, 
आला पाहिजे ...
गान-कोकिळेसारखा ...

शब्द पिसारता, 
आले पाहिजेत ...
मयुराच्या पिसा-यासमान ...

शब्द-न्-शब्द भिडवता,
आले पाहिजेत ...
कुसुमाग्रजांच्या लेखणीसमान ...

शब्द टोलवता, 
आले पाहिजेत ...
सचिनच्या षट्कारांसमान ...

शब्द-न्-शब्द दरवळवता,
आले पाहिजेत ...
प्राजक्ताच्या सड्यासमान ...

शब्द-न-शब्द जतन करता, 
आले पाहिजेत ...
बकुळीच्या फुलांसमान ...

शब्द-ब्रह्म साकारता, 
आलं पाहिजे
महर्षि वेद-व्यासांसमान ...

शब्द पथ-दर्शक, 
झाले पाहिजेत ...
अंतर्स्थित गुरूसमान ...

🌷@तिलोत्तमा विजय लेले 
🙏🌅🕉🌷🙏



Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more