कविता - 🌷 " मन-मोहक त्रिमूर्ती " १३ डिसेंबर २०१६

कविता - 🌷 " मन-मोहक त्रिमूर्ती " 

कवयित्री - तिलोत्तमा विजय लेले 

तारिख - १३ डिसेंबर २०१६ 

मार्गशीर्ष महिना महत्वाचा व आनंदाचा 

पौर्णिमेच्या शुभ- दिनी जन्म दत्तात्रेयाचा 

अनुसूया आणि अत्री ऋषींच्या या,पुत्राचा 

बाल- स्वरूपात जन्म घेणाऱ्या त्रिदेवांचा 

ब्रह्मा-विष्णू-महेश यांचा हा विशेष अवतार 

एकूण चोवीस गुरु केले लहान- पणापासून 

प्रत्येकाकडून विशेष" ज्ञान "ग्रहण केले ...

संपूर्ण चरा- चरात ऐच्छिक भ्रमण केले ...

सजीव-निर्जीव दरेक वस्तू व वास्तुमध्ये,

स्थित,एकच " आत्म-तत्व ", सिद्ध केले ...

औदुुंबराच्या थंड छायेखाली ...

शांत, मन-मोहक अशी,त्रिमूर्ती ...

नेहमी त्यांच्या स- भोवताली ...

कामधेनू व चार श्वान असती ...

भक्तांचे मनोगत ओळखून ...

दत्त-गुरु करतात तेच पूर्ण ...

त्यांना जे मनोभावे पूजतात,

त्या सर्वांना श्री दत्त,पावतात ...

गाणगापूर येथे श्री दत्तात्रेयांची पाऊले ...

स्पष्टपणे उमटलेली पाहण्यास मिळतात ...

याच सुमारास, दत्त-गुरुनी अवधूत रुपात 

कैक भूभाग संचारकरून,केला ज्ञान-प्रसार ...

माहूर, गिरनार, कुरवपूर,कारंजा,पिठापूर

औदुंबर, गाणगापूर, माणगाव, गरुडेश्वर

नृसिहवाडी,अक्कलकोट,माणिक, नगर ...

सर्व ठिकाणं त्यांच्या वास्तव्यामुळं पवित्र ...

ज्या परिसरात,त्यांच्या झाला संचार,

सुप्रसिद्ध तीर्थस्थानं झाली साकार ...

सगळे भाविक-भक्त-जन दर्शनास,

आतुरतेने गोळा होऊन,धन्य होतात ...

ते अवधूत स्वरुपात,रूप बदलून

कित्येक जणांना, अलग रीतीनं,

" दर्शन "देतात,जीवनाचं-सार्थक ...

जीवन सफल झाल्याचं समाधान ...

ते भक्त-जनांना भेटून, त्यांच्या मनातील भाव

ओळखून तसा अनुभव देतात, अनुग्रह करतात ...

सारी मनोरथे पूर्ण करतात ...

काही न मागताही बरंच ...  

कल्पनातीत, देऊन जातात ...

🌷@तिलोत्तमा विजय लेले 

🙏🕉️🔆