कविता :🌷' मला सांगा '
कविता :🌷' मला सांगा '
कवयित्री : तिलोत्तमा विजय लेले
तारिख : मंगळवार, २९ ऑगस्ट २०२३
वेळ : दुपारी ३ वाजून ५९ मि.
मला सांगा सुखी होणं म्हणजे नक्की काय असतं ?
क्षण-न्-क्षण इवल्याशा जीवात तन-मन रमून जातं
दाही दिशांनी दुडु-दुडू धावत-येऊन अंगाला बिलगतं
बघता-क्षणी कुणाच्याही कडेवरुन बेधडक झेप घेतं !
बाहेर जाता मोठ्या-टपोर्या डोळ्यांनी जग टिपून घेतं
कडेवर असता दुधाळ-सुगंधाने मनास चिंब भिजवतं
एखाद्या वेळी थोडं दुर्लक्ष झालं तर कावरं-बावरं होतं
दुसऱ्याच क्षणी सगळं विसरुन चक्क खिदळू लागतं !
काऊ-चिऊ-माऊच्या गोष्टींमध्ये समरसून गुंगुन जातं
मोठ्या-आवाजात-कुकरच्या शिट्टीने घाबरुन-गुट्ट होतं
पक्षांचा किलबिलाट ऐकून आनंदाने गोड हुंकार भरतं
मधाळ आवाज करत मऊ-मखमली गालांचा पापा देतं
एखाद्या वेळेस थोडं दुर्लक्ष झालं तर कावरं-बावरं होतं
दुसऱ्याच क्षणी सगळं विसरुन चक्क खिदळूच लागतं
वामकुक्षी घेत साखर-झोपेत इवल्या हातांनी मिठी मारतं,
स्वर्ग-सुख म्हणजे तरी याहून जास्त काय बरं असू शकतं ?
🌷@तिलोत्तमा विजय लेले
🙏🕉️🔆
Comments
Post a Comment