कविता :🌷' ख-या भक्तिचा भुकेला '

कविता :🌷 ' ख-या भक्तिचा भुकेला '

कवयित्री : तिलोत्तमा विजय लेले

तारिख : गुरुवार, १५ जून २०२३

ख-या-भक्तिचा तो सदा असतो भुकेला

भक्तांच्या मूक-हाकेला सदा धावून गेला

ज्ञानदेवांसाठी रेडा बनून वेद-मंत्र वदला !

ज्ञानेश्वरीमधून मराठी-भाषेत अवतरला !

दुष्ट-होलिकेचं भस्म करुन,अग्नी शांत झाला 

खांबातून प्रकटून मुजोर दानवाचा वध केला

भाबड्या भक्त-प्रल्हादाला अलगद वाचविला

दानवी-वृत्तीवर सदाचारानं विजय मिळवला !

जुलमानं अभंग-पोथ्या नदीत फेकून दिलेल्या 

संत-सज्जन-अंत:करणाच्या ठिक-या झाल्या 

तुकारामांच्या अभंगांचा जळी सांभाळ केला !

अद्भुत-अभंगवाणीचा विनाश होऊ न दिला !

रात्रंदिवस देवाची आळवणी करणार्या जनीला 

दळण-कांडण करुन कामात हातभार लावला

संतांच्या-घरी पाणक्या बनून-सेवा देत राहिला !

दास होऊन श्रीहरी भक्ताची कामं करित राहिला

कबीरा-घरी शालू-शेले विणून मदत-रूप झाला 

संशयी-राणानं विषाचा प्याला मीराबाईला दिला 

विष-पेयाचं अमृत करुन मीरेचा जीव वाचविला 

घोर तप-साधनेत परम-भक्त धृव-बाळ रक्षिला !

एकनाथांनी आणलेलं गंगा-जल पिण्याकरिता

मरणासन्न गर्दभाच्या रुपात प्रकटला तो दाता !

महालाची पंचपक्वान्ने सोडून निभावली मित्रता

मित्र सुदाम्याच्या पोह्यांचा आनंद लुटता-लुटता

अगणित आहेत भक्ति-रसाच्या विलक्षण गोष्टी,

जोवर आहेत सूर्य-चंद्र-ग्रह-तारे व अवघी सृष्टी 

कधीही-कुठेही-कुणाच्या-तरी रुपात मदतीसाठी

भक्त असता संकटी, सोडविण्या येतो जगजेठी !

@तिलोत्तमा विजय लेले

🙏🕉️🔆