कविता : 🌷' ओलावा '

कविता 🌷 ' ओलावा '

कवयित्री : तिलोत्तमा विजय लेले

तारिख : सोमवार, १ मे २०२३

वेळ :दुपारी, १ वाजून २७ मि.

सततची ओली चिकचिक खरंतर बिल्कुल आवडत नाही

पण हेही तितकंच खरं की

मायेच्या-प्रेमाच्या ओलाव्यावीण क्षणभरही जमत नाही !

उन्हाळ्यात तलखीनं 'दे माय धरणी ठाय'अशी होते गत

पण हेही तितकंच खरं की

दुभंगल्या-धरेतूनच इवला अंकुर हळुच असतो डोकावत !

आईविना पोरं, वात्सल्याचा-झरा सतत हुडकत राहतात 

पण हेही तितकंच खरं की

जिव्हाळ्याच्या-ओलाव्याने आपलीशी होऊन बिलगतात !

वाळवंटात झाडांची-मुळं खोल लांबवर सुसाट धावतात,

पण हेही तितकंच खरं की

पोषक-तत्वांची ओल मिळताच, त्याच जागी स्थिरावतात !

प्रत्येक जीवाला ओढ लागलेली असते, फक्त ओलाव्याची

पण हेही तितकंच खरं की

ती खर्याअर्थी मिळेपर्यंत, जीवाची तळमळ नाही संपायची !

जन्मा-पाठी-जन्म ओलाव्याच्या शोधातच भटकतो वणवण, 

पण हेही तितकंच खरं की

ज्या जन्मी तो ठेवा लाभतो, त्याचा प्रत्येक दिवस होतो सण !

ज्या जन्मी तो ठेवा लाभतो, त्याचा प्रत्येक दिवस होतो सण !

@तिलोत्तमा विजय लेले

🙏🕉️🔆