कविता : 🌷 ' स्वराई ' तारिख : ८ फेब्रुवारी २०२३

कविता : 🌷 ' स्वराई '

कवयित्री : तिलोत्तमा विजय लेले

तारिख : ८ फेब्रुवारी २०२३

वेळ : रात्रीचे १२ वाजून ४३ मि.

स्वरांवर तरंगत-तरंगतच आपण वाढलो

सुस्वर कानावर अलगद पडत होते अन् 

संगीताचे आपसूक संस्कार ही होत होते !

त्यामुळे सुरांची जाण आपोआपच आली

गानशूर-कम-कानशूर तरी नक्की झालो...

याचं बरचसं श्रेय द्यायला हवं 'स्वराई' ला !

एक जन्म-दाती माऊली-जी आपली आई,

ही स्वर-ज्ञान देणारी माऊली-म्हणून 'स्वराई'

कसे बरं होणार आपण या दोघींचे 'उतराई' ?

सुरेल स्वरांनी, श्रोत्यांना प्रशिक्षित करून,

कैक पिढ्या गेल्या 'स्वराईच्या हाताखालून'

गर्व वाटतो आपणही त्यापैकीच एक म्हणून !

तारुण्यात याच स्वरांनी अदृष्य साथ दिली...

प्रेमाची माधुरी वाढली, उमटली गाली लाली

तरुणाईचा आविष्कार-स्वरांची बहार आली...

जसं हवा-पाणी-अन्न-निवारा व प्रकाश हवा,

निकोप प्रकृतीसाठी, हवा स्वरांचा शिडकावा...

तेव्हा मनात झोके घेऊ लागतो पक्षांचा थवा !

@तिलोत्तमा विजय लेले

🙏🕉️🔆