कविता - 🌷 " ईश्वराधीन-नाती "

तारिख - ३० नोव्हेंबर २०१६
कविता - 🌷 " ईश्वराधीन-नाती "  
कवयित्री - तिलोत्तमा विजय लेले

नात्यांचे बंध म्हणजे जणू समईच्या दिव्य-ज्योती ...
मंद-शांत, संतत-संयत तेवणाऱ्या सस्नेह-वाती ...
भातुकलीपासून गोळा, जिवाभावाची मित्र-मंडळी ...
भाग्यवंताच्या नशीबी असती सखे-सोबती भूमंडळी ...

काही महत्वपूर्ण अशी नाती, ईश्वराधीन असतात ...
प्रत्येकाला आई-वडील या तत्वानुसार मिळतात ...
पूर्व-सुकृतानुरूप जन्मगाठी बांधलेल्या असतात 

अगणित पूर्व जन्मोजन्मीची-पुण्याई फळा येते ...
तेव्हा मातृ-पितृ-छत्रछाया आयुष्यभराची लाभते 
केवळ सद्-भाग्यानंच होतं, भावंड-प्रेम लाभणं ...
अन् एकाच माता-पित्याच्या पोटी जन्माला येणं ...

पितृवत् अपार माया करणारे प्रेमळ वडील-बंधू ...
बाल्यावस्थेत जो आधारस्तंभ, तो होतो केंद्र-बिंदू ...
आईची उणीव अजिबात भासू न देणारी बहीण ...
भगवंताच्या कृपा-प्रसादाविना, मिळणं कठीण ...

अक्षरशः जीव ओवाळून टाकावा असं अभूतपूर्व प्रेम 
विधात्याच्या नियोजनानुसार, नेमका अचूक लागे नेम !
सुख-देणारी, अभिमान वाटावा अशी, गुणी मुलंबाळं ...
नक्कीच कैक-जन्मींच्या सद्कर्म-सद्-कृत्यांची फळं !

बर्याचदा अगदी अनोळखी-अनामिक अशी व्यक्ती,
जलप्रवाहातील ओंडक्यासमान अकारण टक्करती ...
प्रसंगी, निरपेक्ष भावनेने मदतीचा हात देऊन जाती ...
निस्वार्थी परोपकारी भावनेनं सदैव उपयोगी पडती ...

उपकाराची परत-फेड करण्यास, एकही संधी न देती ...
जराही अवडंबर न माजवता, मूक-मार्गदर्शन करती ...
व्यावहारिक नात्यांच्या कोणत्याही ढोबळ परिभाषेत
वस्तुतः न बसणाऱ्या अशा महान विलक्षण व्यक्तीस,

विधात्याचा-दूत म्हणावं की त्याचा तरल सूक्ष्म-संदेश ...
या जगीं सर्वजण एकाच अदृष्य-अगम्य-सूत्रानं बंधीत ...
"ब्रह्म-तत्व" हे एकमेव दिव्य-बंधन असे प्रत्येक व्यक्तीत...

🌷@तिलोत्तमा विजय लेले
🙏🕉️🔆
























Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more