कविता - 🌷 " न लढताच सर केला जीवन-गड " तारिख - २ सप्टेंबर २०१६

कविता - 🌷 " न लढताच सर केला जीवन-गड "
कवयित्री - तिलोत्तमा विजय लेले
तारिख - २ सप्टेंबर २०१६

माता करीते सूक्ष्मतम संस्कार गर्भावर ...
घटिका-पळे-दिस-मास जाती भराभर ...
जीव जन्मतो नऊ मास पूर्ण झाल्यावर ...
अभिमन्युपरि लेवून संस्कारांची झालर ...

माता मग करीतसे नव-संस्कार त्या नवजीवावर ...
वात्सल्याचे बोल करिती संस्कार त्या अर्भकावर...
हळूहळू सुसंस्कार घडत जाती सतत त्या बाळावर...
रात्रंदिवस सूक्ष्मातिसूक्ष्म पैलू पडत जाती हिऱ्यावर ...
 
माता दररोज सांगे गोष्टी महान्-सद्गुणी-व्यक्तींच्या...
कान टवकारुन श्रवण करीतसे बाळ, तन्मयतेने त्या ...
आपसूक संस्कार होई तेव्हा विविध प्रकारच्या गुणांचा...

गोष्टी संत-महंतांच्या, गोष्टी कर्तृत्वाच्या-अध्यात्माच्या...
गोष्टी राजा-महाराज्यांच्या, देशभक्तीच्या-रामायणाच्या...
गोष्टी महाभारताच्या निष्ठेच्या-चातुर्याच्या अन् विरतेच्या...

जिजाऊंनी जन्म देऊन, कणाकणांनी घडवलं शिवबाला...
ऐकून गोष्टी-धैर्याच्या-शौर्याच्या-धाडसाच्या अंतर्मुख झाला...
अन्यायाच्या, अन्याय-कर्त्यांच्या विरुद्ध पुरता पेटून उठला...
मनोमनी तेव्हाच, गो-ब्राह्मण-प्रतिपालकाचा निश्चय झाला...

ऐकून पराक्रमाच्या गौरवगाथा, घडवू शकला स्वजीवन-गाथा...
जमवून लहानथोर मावळ्यांचा जथ्था, रचली देशाची वीरगाथा...
तोडच नाही जिजाऊंच्या अविरत-अपार कष्टांना-व परिश्रमांना... 
अन् गुरु समर्थ रामदासांच्या अर्थपूर्ण मार्गदर्शक आशिर्वचनांना...

दोहोंच्या मार्गदर्शनानं सिंहासनारूढ-शिवबा, शिव-छत्रपति झाला...
अवघ्या भरत-भूच्या जनमानसी कायम-स्वरुपी विराजमान झाला...

न भूतो न भविष्यती असा, अमर इतिहास रचला गेला...
"न-लढताच जिजाबाईंनी, जीवनाचा-गड " सर केला...

आजची ही कविता लिहीत-असताना, 
ऊर अभिमानाने-देशप्रेमाने भरुन आला ...
कोटी-कोटी प्रणाम त्या थोर माऊलीला ...
कोटी-कोटी मुजरा त्या शूरवीर शिवबाला...

🌷@तिलोत्तमा विजय लेले
🙏🌅🕉































Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more