कविता - 🌷 ' डोळ्यांचा आरसा '. तारिख - शनिवार, २७ एप्रिल २०२४

कविता - 🌷 ' डोळ्यांचा आरसा '

कवयित्री - तिलोत्तमा विजय लेले 

तारिख - शनिवार, २७ एप्रिल २०२४

वेळ - रात्री ८ वाजून २४ मि.

हसू आणि आसू तितकेच खरे दोन्ही

आयुष्यात काय होणार सांगावे कुणी ?

एक दिवस सुखद सुंदर रिमझिम होते

दुसऱ्या दिवशी जीवघेणी तलखी होते 

एका डोळ्याच्या कडा हसून पाझरती

दुसऱ्या क्षणी दु:खाचे अश्रु ओघळती

क्षणभर सोनेरी, कोवळं ऊन पांघरून 

भर-पावसात चिंब-चिंब भिजून यौवन 

कितीही हसरा चेहरा, आर्त गहिरे डोळे 

अंतरातील सूक्ष्म-भाव नेत्रांमधून तरळे 

नयन असे जादूगार, करतील जादूटोणा 

डोळ्यांच्या आरशामध्ये प्रितीच्या खुणा 

🌷@तिलोत्तमा विजय लेले

🙏🕉️🔆