कविता - 🌷 " दिव्य-प्रकाशाचा मागोवा " तारिख - शनिवार, २५ मार्च २०१७

कविता - 🌷 " दिव्य-प्रकाशाचा मागोवा " 

कवयित्री - तिलोत्तमा विजय लेले 

तारिख - शनिवार, २५ मार्च २०१७

दुसर्याही पत्नीच्या आकस्मित निधनामुळं,

आमचे आजोबा पार हतबल झाले त्यामुळं,

मानसिक धक्क्याने मनस्थिती होती दुर्बल ...

त्यात घरच्या स्त्रीवर्गानी जणू चंगच बांधला

वधू-संशोधनाच्या कार्यात पुढाकारच घेतला

शेवटी त्यांच्या धोशामुळे त्यांनी होकार दिला 

आजोबांनी पुन्हा लग्न करण्यास संमती दिली 

शांताची नव्यानं घरी आलेली-सावत्र-आईही,

आधीच्या आईचीच जणू नवीन आवृत्ती होती ...

ती येता शांताच्या आयुष्यात खळबळ उडाली 

शांताची शाळा तर फार पूर्वीच बंद केली होती,

तिच्या तीन भावंडांची व सगळ्या घरकामाची,

संपूर्ण जबाबदारी, एकट्या चिमुरड्या शांताची ...

आता शांता रात्रंदिन कामात जुंपली गेली होती 

त्यात भरीस भर वाढीव कामाची जबाबदारी,

सतत टोचून बोलणारी नवी सावत्र-आई होती

दैव-गति असं समजून, सर्व सहन करीत होती

पण त्याचबरोबर स्वयं श्रीगणेशा शिकत होती !

शांताची शाळा बंद पण भावंडांची शाळा अखंड 

हा कोणता न्याय, त्या भाबड्या जीवाला न कळे 

शांता तीक्ष्ण बुद्धिची, नुसते ऐकून सर्व ज्ञान-कण

एखाद्या टिप-कागदाप्रमाणे टिपून करी ती स्मरण ...

पण तिचा जात्याच स्वभाव-अत्यंत भक्कम-कणखर,

कधीही कोणत्याही प्रसंगी, जरा सुध्दा ना डगमगणार ...

बिकट परिस्थितिनं कितीही हल्ले केले तरी हसतच तिने 

दोन-हात केले-कधी कोणत्या कारणे शस्त्र नाही टाकले ...

कठीण असूनही त्यातून प्रकाशमय मार्ग शोधून काढत,

तिने त्या दिव्य-प्रकाश-झोताचाच मागोवा घेतला सतत

त्यामुळेच तिच्या चित्त-मन-बुद्धिमत्तेचा, विकास झाला ...

प्राप्त झाली त्वरित-योग्य-निर्णय-घेण्याची विशेष क्षमता ...

कामाच्या क्षमतेत प्रचंड वाढ व कमालीची सहनशीलता ...

अंतरी उजळून ज्ञान-दीप, दिव्यत्वाचा साक्षात्कार झाला ...

🌷@तिलोत्तमा विजय लेले 

🙏🌅🕉🌷🙏