कविता - 🌷 " मातृ-भाषेचे ऋण " तारिख - सोमवार, २४ जून २०१७

कविता - 🌷 " मातृ-भाषेचे ऋण " 

कवयित्री - तिलोत्तमा विजय लेले 

तारिख - सोमवार, २४ जून २०१७ 

मातृ-भाषेचे ते प्रचंड शब्द-वैभव अनुभवुनी,

मराठी-ऊर अभिमानाने अक्षरशः येतो भरुनी...

प्रत्येक मराठी-मनाचा हर्ष सदा दुथडी भरुनी...

मातृभाषेवरील प्रेमाने- जाई पुरताच ओसंडूनी...

असे असूनही,

इंग्रजाळलेल्या पिढीची अशुध्द-धेडगुजरी बोली...

ऐकता, नेमकी ही भाषा कोणती-दाट शंका येई...

माय-मराठीची ती भ्रष्ट-स्वरुपातील बोली ऐकूनी, 

प्रत्येक स्वाभिमानी काळजाचं होई,"पाणी-पाणी" ...

फॅशन म्हणून चार-चौघात, भाषेची बूज न राखी...

ही मराठी-जन-मानसाची व्यथाच-बोचरी-दुखरी...

तोडके-मोडके चुकीचे इंग्रजी बोलून धन्य वाटणे...

उसन्या कुबड्या घेत, काय जीणे ते लाजिर-वाणे...!

जगभरात या लोकांचे जेव्हा होत्याचे नव्हते होते,

तेंव्हा मात्र अशा लोकांच्या "तोंडचे पाणीच पळते"...!

मराठी शिकून-बोलून तयार होतील लखलखते हिरे...

स्वच्छ-सुस्पष्ट-उच्चार, वाणीवर होती संस्कार गहिरे...

मायबोलीचा यथार्थ सन्मान करण्याचे होता सुसंस्कार,

खात्रीने सर्व बाल-मनांना देतील सुंदर-सुयोग्य-आकार !

म्हणूनच अत्यावश्यक, मातृभाषा-माध्यमातून शिक्षण...

त्याशिवाय फेडू न शकणार आपण, मातृ-भाषेचे ऋण...

🌷@तिलोत्तमा विजय लेले 

🙏🕉️🔆