कविता - 🌷 ' दुसरं मागणं नसे ईश्वरापाशी ' तारिख - २८ सप्टेंबर २०१६

कविता - 🌷 "दुसरं मागणं नसे ईश्वरापाशी"
कवयित्री - तिलोत्तमा विजय लेले
तारिख - २८ सप्टेंबर २०१६

सळसळणारं हे नव-तारुण्य ...
जणू बहरुन आलं नवं-लावण्य ...
स्वर्गच भासे मज घन-अरण्य ...
सारी सुखं उभी, कांही नसे नगण्य ...

फुलां-परि सारं-कांही ताज-टवटवीत वाटतंय ...
झुळुकीच्या झोक्यावर आज डोलावंसं वाटतंय ...
इवल्याशा दव-बिंदूलाही खूप-खूप जपायचंय ...
मन-मोहक भ्रमराला गुंगवायंचंय-गुंतवायचंय ...

गुण-गुण गुंजारवाच्या तालावर,
प्रसन्नतेची हलकीच उठतेय् लहर ...
तन-मन धुंद-फुंद होऊन उमलतंय ...
मज कळीचं जणू रूपांतरण होतंय ...

सुरेख रंगीबिरंगी सुमना-समान वदन ...
चहू-दिशानी आनंदी-आनंद ओसंडून ...
वाहतोय मंद-सुगन्ध फुलां-फुलांमधून ...
अवघी धरणी-माय तेजाळली तृप्तीतून ...

का गोड गुलाबी-लाज उतरे अशी गाली ? ...
जणू रविस भेटण्या संध्या सजली-धजली ...
कुणी बरं लावली ओठांस आज ही लाली ...
सजले-नटलेे आज मी-लेवून कुंकुम भाळी ...

प्रत्येक श्वास झाला आहे सुगंधी ...
रात्रीच्या प्रहराची अजुनही धुंदी ...
क्षण-न-क्षण मन झालंय आनंदी ...
जीवनी, नव-पर्वाची ही तर नांदी ...

वाटे हा सुवर्ण-काळ, संपूच नये कधी ...
सृष्टी देखील सामील, राहून त्या साक्षी ...
अशीच सुखाची, संतत-धार बरसावी ...
दुसरं काहीच, मागणं नसे ईश्वरापाशी ...

🌷@तिलोत्तमा विजय लेले
🙏🌅🕉🌷














Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more