कविता - भावगीत 🌷 ' भ्रम आणि सत्य-स्थिती ' तारिख - शनिवार, १० फेब्रुवारी २०२४

कविता -🌷 ' भ्रम आणि वस्तुस्थिती '

कवयित्री - तिलोत्तमा विजय लेले

तारिख - शनिवार, १० फेब्रुवारी २०२४

वेळ - दुपारी ४ वाजून २८ मि.

खूपदा माणसाच्या डोक्यात वेगळी हवा शिरते, ...

वाटते, "पान हलत नाही आपल्यावीण कुणाचे"...

प्रत्यक्षात मात्र वस्तुस्थिती फारच निराळी असते ...

भ्रामक-कल्पनांच्या विश्वात-भ्रष्ट मति गुंग असते ...

कुणीही आहे म्हणून किंवा कुणी नाही म्हणूनही,

विश्वातील कोणाचं, कधीही काहीच अडत नाही ...

चंद्र-सूर्य-वृक्ष-वेली-फुलं-पानं-सृष्टीचे ऋतु-चक्र ...

चोखपणे पाळती निसर्गाने आखलेले वेळापत्रक !

अडत नाही आई-विना, पोरा-बाळांचं सुध्दा काही ...

प्रेमळ कुणी नंद-यशोदा अत्यंत मायेने सांभाळती ...

पत्नी नाही म्हणून विधुराचंही कांहीच नाही अडत ...

शुभ-कार्यी कनवटीला सुपारी लावून काम भागतं ...

पति‌वीण विधवा स्त्रीचंही तसं फारसं अडत नाही ...

ओटीत श्रीफळ ठेऊन साधू शकते ती कार्यसिद्धी ...

असे असूनही, वात्सल्य-प्रेमभावच प्रभावी ठरतात ...

एक-एकटे पति-पत्नी, कर्तव्य निभावंतंच जगतात ...

पत्नीच्या पश्चात मुलांचे आई-व-बाप दोन्ही होतात ...

आईची उणीव लेकरांना, अजिबात भासू न देतात ...

पति नाही म्हणून, स्त्रिया पेलतात संपूर्ण जबाबदारी ...

नोकरी-व्यवसाय सांभाळूनच मुलांवर सुसंस्कार करी ...

🌷@तिलोत्तमा विजय लेले

🙏🕉️🔆