कविता - 🌷 " जाणीव अज्ञानाची " तारिख - १७ डिसेंबर २०१६

कविता - 🌷 " जाणीव अज्ञानाची "
कवयित्री - तिलोत्तमा विजय लेले
तारिख - १७ डिसेंबर २०१६

सर्वप्रथम एखाद्या अज्ञान बालका-परी,
कायमची एक जिज्ञासा, प्रत्येक गोष्टीची ...

कालांतराने जसा-जसा थोडा-थोडा
अंतरीचा प्रकाश लागतो उजळायला ...
प्रकर्षाने हेच वाटू लागे जाणवायला,
की काहीच येत नाही बरं, आपणाला ...

अजून अधिक कालावधी लोटला ...
सुरु होतंच ज्ञान-कण करणं गोळा ...
मधमाशी-सम, जाऊन फुला फुला ...
सूक्ष्म, तरलतम " मधु " करुनी गोळा ...
मन मात्र सांगे, ज्ञानाच्या नावानं "भोपळा" ...

अंतर्यामी ज्ञानार्जनाची तहान वाढतच जाई ...
दश-दिशा हिंडून, मनापासून अभ्यास होई ...
कित्येक मान्यवरांबरोबर, चर्चा-संवाद होई ...
"काही येत नाही" यांची नव्यानं जाणीव होई ...

अधिक खोलवर अध्ययन, वाचन- मनन...
दिन-रात ध्यास, विसरून सर्व भूक-तहान
करुनी ज्ञानार्जन, नि:संकोच, विनाअभिमान 
फिरून कळून चुके, " आपण शून्य-समान"...

जशीजशी प्रगती-पथावर पडत जाती पावलं,
स्वतःच्या "अज्ञाना"चेच उभे दिसे, उंच राऊळ ...

जाणीव झाली, मुंगीपेक्षा लहान आहोत आपण ...
हे विशाल-विश्वं, त्यातील आहोत एक रज-कण !

जेव्हा "प्रथम श्रेणी अडाणी "होतो, तीव्र इच्छा होती,
मिळो त्या ईश्वराला समजण्याची-उमजण्याची-शक्ती ...

जेव्हा अल्प समज आली, वाढली आकलनशक्ती ...
अन् अत्यंत प्रकर्षानं जाणीव झाली, की खरोखरी
स्वयं म्हणजे, शून्य-अति-अज्ञानी-य:कश्चित् व्यक्ति ...

विचार बळावतो हेच असावं " स्व-विश्वं-व्यापी ज्ञान "...
जे मिळवण्यास-उमजण्यास, आयुष्य तरी लागे किमान ...

🌷@तिलोत्तमा विजय लेले
🙏🕉️🔆














Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more