कविता 🌷 ' निसर्गाची जादू '. तारिख - २३ में २०१७

कविता - 🌷 " निसर्गाची जादू "
कवयित्री - तिलोत्तमा विजय लेले 
तारिख - मंगळवार, २३ मे २०१७ 

कधी कधी अस्मादिकाना, उगीचच
मोरपिसा-सारखं, खूप हलकंं वाटतं ...

विचारांच्या उंच-भव्य हिंदोळ्या-वर,
मनसोक्त झोके घेत घेत रमावंं वाटतं ...

तसं काहीच कारण नसताना, वाटतं,
उत्स्फूर्तपणे उठून नाचावं-गात बसावं ...

समुद्र-किनारी मखमली शुभ्र रेतीत,
अंगावर कोवळी उन्हं पांघरुन सुस्तीत ...

मस्त अंग शेकत-लोळत-पडावं वाटतं ...
सतत उसळणार्या-त्या फेसाळ-लाटांकडे,
भान हरपून, बस्स पहात राहावं एकटक ...

सागराच्या अति-विशाल-अथांग देहावर,
अलगद पसरणार्या सोनेरी रवि-किरणांचं,
अगदी मनापासून, कौतुक करावं वाटतं ...

नदिच्या नागमोडी, मोहक वळणांवरून,
जीव ओवाळून वाटतं, पहावं तसं जगून ...

हिमालयाच्या शुभ्रं अत्युच्च-शिखरी जाऊन,
घोर-तप-साधना करावी-आसनमांडी घालून ...

न चुकता-दररोज नित्य-नियमानं उगवणार्या
पूर्ण विश्व पाप-क्षालन करुन, शुद्ध करणार्या ...

त्या तेजोमय सूर्याला न्याहाळावं मावळताना ...
सागर-जलात उभं राहून यथार्थ अर्घ्य देताना ...

मावळत्या किरणांनी निर्मित दिव्य "कँनव्हास" ...
लालिमेच्या अक्षरशः लाखों रंग-छटांनी युक्त ...
क्षणोक्षणी बदलत राहून, मनास करी आसक्त ...

निसर्गाची जादू विस्फारित नजरेनं आकंठ पिऊन
वाटतं, हृदय-पटलावर कायमचीच ठेवावी कोरून ... 

🌷@तिलोत्तमा विजय लेले 
🙏🕉️🔆














Comments

Post a Comment

Popular posts from this blog

कविता - बालगीत 🌷 ' रंगीत-झंगीत ' तारिख - रविवार, २१ जानेवारी २०२४

कविता - बालगीत 🌷 ' रंगीत-झंगीत ' कवयित्री - तिलोत्तमा विजय लेले तारिख - रविवार, २१ जानेवारी २०२४ वेळ - दुपारी १ वाजून ५३ मि. सुंदर, कोमल, रंगीत-झंगीत ... फुला-फुलांवरुन, पाकळीत ... कोण हळूच डोकावून जाते ... बघत बसता नजरच खिळते ... मोहक इतके की वाटे पकडावे, लबाड इतके की हाती न यावे ... भान हरपून पाठीमागे लागावे, तर गुंगारा देऊन निसटून जाते ... रंगीबेरंगी जादू अशी करणारे ... नाजुक-चंचल, खुश करणारे ... फुलांशी खेळते ते फुलपाखरू ... अर्जुनला वाटते, कसे बरं धरू ? पकडा-पकडी जोशात चालते ... आजीची मस्त करमणूक होते ... बागेत सगळीकडे भिरभिरते ... बाळ-गोपाळांना ते फार आवडते ... 🌷@तिलोत्तमा विजय लेले 🙏🕉️🔆
Read more

कविता :🌷' माणूस नामक बेट '

कविता :🌷' माणूस-नामक-बेट ' कवयित्री : तिलोत्तमा विजय लेले तारिख : बुधवार, ५ जुलै २०२३ वेळ : दुपारी, ४ वाजून ५० मि. घोडेस्वार घोड्याला पाणवठ्यावर सोडतो, तहान असेल तर घोडा पोटभर पाणी पितो ... अन्यथा घोडा जागेवरुन हलत सुध्दा नाही ... कुणी बळजबरीने  पाणी पाजवू शकत नाही ! सद्गुरू अंतस्थ-गुरुची तोंड ओळख करुन देतो ... शिष्यास तपशील जाणायची ओढ असल्यास, त्या पथावर, पुढे तो अध्यात्मिक प्रगती करतो ... अन्यथा संसार-रुपी-चक्रात गटांगळ्या खातो ! अंतस्थ-गुरुची-भेट म्हणजे जीवा-शिवाची भेट ! आजवर मनी दडलेल्या सुप्त प्रश्नांची उत्तरं थेट ! जन्म-व-मृत्युच्या कचाट्यात, जणू कमळाचे देठ ! लख्खं सूर्य-प्रकाशातील हेच माणूस-नामक-बेट ! @तिलोत्तमा विजय लेले 🙏🕉️🔆
Read more

कविता - 🌷 " संक्रमण-सन्मार्गाकडे "

Image
कविता - 🌷 " संक्रमण-सन्मार्गाकडे " कवयित्री - तिलोत्तमा विजय लेल सूर्याचा मकर-राशीमध्ये प्रवेश म्हणजेच सूर्याचे संक्रमण संकटांवर मात, शुभ-कालारंभ-मकर संक्रांतीचे आगमन सहा-मास दक्षिणेत वास्तव्य म्हणजे'पितृयान'-दक्षिणायन सूर्य दक्षिणेकडून उत्तरेकडे जाताना सुरु सूर्याचे उत्तरायण दक्षिणायन संपल्यावर सूर्याचे शुभ-संक्रमण, प्रकाशाकडे हे द्योतक, अंधारलेली वाट संपवून पावन-पर्व-आरंभाकडे असत्यांनी ग्रासलेल्या विश्वापासून, मार्ग-दर्शक सत्याकडे प्रलोभनांनी बुरसटलेल्या अधोगती पासून प्रगती-पथाकडे शतकानुशतकं दु:खात पिचण्यापासून-यथोचित-सुखांकडे युद्धं-भांडणतंट्यांपेक्षा-विशाल दृष्टिकोनाच्या-सलोख्याकडे कार्यरत राहूनच वाटचाल करुया, दारिद्र्यातून-श्रीमंतीकडे श्रीमंती मनाची-सत्कर्मांची-चांगुलपणाची-सुसंस्कृतपणाची मधुर-कृती-सुमधुर-वाणी-नात्यांतील-गोडवा वाढे कणकण तीळ-गुळ-खमंग गुळ-पोळी-रंगीत-पतंग, मौजमस्तीचे-क्षण मना-मनांना जोडणारा, मकर-संक्रांतीचा हा महत्त्वपूर्ण सण या सत्कर्म-यज्ञाने, नवपिढीवर होई संस्कारांची जडण घडण भ्रष्टाचार-अन्याय-चोरी-दांभिकता-शत्रूत्व-क्रूरपणाचे वावडे... अठरा-पगड-वा...
Read more