कविता 🌷 " खुमारी " तारिख - गुरूवार, ११ मे २०१६

 

कविता - 🌷 " खुमारी "

कवयित्री - तिलोत्तमा विजय लेले 

तारिख - बुधवार, ११ मे २०१६

यंदाच्या आँगस्टमध्ये पक्कं ठरवलंच होतं,

कि येणाऱ्या नोव्हेंबर-डिसेंबर महिन्यातच,

ऑस्ट्रेलियातील थेट सिडनी-शहर गाठायचं ...

दोन्ही मुलांची गुप्त खलबतं-खास योजना,

काय-काय करायचं आईच्या वाढदिवसाला ...

तरुण तन-मन, तरुणाईचा पुरेपूर जोश होता 

त्यांचा उत्साह नुस्ता ओसंडून वाहत होता ...

ब-याच विचारांती त्यांचा निर्णय झाला होता ...

तीन वेगळ्या देशांतून-खंडातून एकत्र जमायचं,

एका नवीन-न पाहिलेल्या-देशात तिला न्यायचं,

अन् एकदम तिला "सरप्राईज" करुन टाकायचं ...!

तिच्या कानावर ही तथाकथित 'गुप्तबातमी',

खास-गुप्त-गोटातून, उडत-उडत आली होती...

असं असतानाही "सरप्राईज" होण्यासाठी ती,

नेहमी प्रमाणेच होती मात्र, पुरती आसुसलेली ...

दोघंही अगदि लहान होती, तेव्हापासूनचे किस्से ...

पिगी-बॅंकेतून गुप-चुप जमा केलेले खाऊचे पैसे ...

त्यांची गोड गुपितं दबक्या आवाजातील खुसफुस ... 

ड्रॉइंग काढून-रंगवून तयार केलेली ग्रीटिंग कार्ड्स ...

त्या लडिवाळ-निरागस शुभेच्छा-पत्रांची बरोबरी, 

महागड्या-प्रसिद्ध-चित्राकृतींचीही, नाही मातब्बरी ...  

आजवरच्या तिच्या प्रत्येक वाढ-दिवसाची खुमारी,

शत-शत लक्ष-लक्ष-पटीनं अधिक-सुमधुर व्हायची ...

🌷@तिलोत्तमा विजय लेले 

🙏🕉️🔆