कविता - 🌷 ' समर्पण ' तारिख - १६ सप्टेंबर २०१६

कविता - 🌷 ' समर्पण '           

कवयित्री - तिलोत्तमा विजय लेले

तारिख - १६ सप्टेंबर २०१६

कविवर्य कुसुमाग्रज असती महान

लेखन-सामर्थ्ये होई रसिकांस ज्ञान 

देवाचं वास्तव्य हा विषय नसे लहान ...

विचार-लहरींचं सुरु होतं गूढ-थैमान ..

मनुजानं बांधली देवळे अनेकानेक ...

कला-कुसरीला लागली वर्षे अनेक ...

गाभाऱ्यात किमती-माणके कित्येक 

वास्तु उभारण्या करामती अठराशे एक ...

सर्व जमूनही देव काही केल्या मिळेना,

जंगजंग पछाडले, पावा काही वाजेना ...

उत्सव-मूर्तीविना मंदिर काही खुलेना ...

माणसांचा नवस-धावा तो काही ऐकेना ...

भाव असेल सच्चा, तरच पावतो देव ...

भावात नाही " राम ", तरी देवा मला पाव ...

जिथे श्रेष्ठ गुणांचं दर्शन, तेथेच होतसे नमन-पूजन

मस्तक झुके, दो-कर जोडून, ईश्वरी भाव तो अति-पावन ...

सहज पावतो तो, भक्तांची आंतरिक कृतज्ञता जाणून ...

समर्पणावीण मानव बनू शकतो दानव,

देव-देवतांच्यात सुद्धा करतो भेदभाव...

अवघ्या विश्वात केवळ "भक्ति-हाच-खरा-भाव "

एकच शक्ति तरी जगभर दिली जाती हजारो-नावं ...

जेथे जेथे होतसे खरेे श्रम-दान ...

तेथे नक्की असते " श्रीं " चे स्थान ...

मनःपूर्वक घेईल जर हरी-नाम ...

तेथे अवश्य प्रकटे तो गुण-निधान ...

जो कुणी जातो पूर्णत्वाने त्यास शरण ...

अंतर्यामी करुनी तन-मन-धन-अर्पण ...

समूळ नष्ट करूनी अंतरीचे " तम ",

सहजी साक्षात्कार देई तो निर्मम ...

🌷@तिलोत्तमा विजय लेले

🙏🌅🕉🌷