कविता :🌷' मंगलमूर्ती '

कविता : 🌷' मंगलमूर्ती '

कवयित्री : तिलोत्तमा विजय लेले

तारिख : बुधवार, ७ जून २०२३

वेळ : १२ वाजून १४ मि.

कृष्ण-पक्षात येणारी चतुर्थी म्हणजे 'संकष्ट'चतुर्थी

कठीण प्रसंगातून सुटका करणारी म्हणून 'संकष्टी'

प्रथम पूज्य-गणेशाचं पूजन-वंदन आणि पुष्पवृष्टी 

उकडीच्या मोदकांच्या नैवेद्याने गणरायाची संतुष्टी

शुक्ल-पक्षीय चतुर्थीला 'विनायकी' असं म्हणतात

मंगळवारी येणाऱ्या चतुर्थीला 'अंगारकी' म्हणतात 

दुःखापासून मुक्तीसाठी भक्त संकष्टीचं व्रत करतात

सूर्योदयापासून चंद्रोदयापर्यंत उपवास-पूजा करतात !

अत्यंत चतुर अन् कुशाग्र-बुद्धीचा गौरी-पुत्र-गजानन

हसत-हसत जिकलं त्यानं पृथ्वी-प्रदक्षिणेचं आव्हान

जरी निघाला मयूर-वाहनावर कार्तिकेय जलद-गतिने

शिव-पार्वतीला-प्रदक्षिणा घातली बुद्धिशाली गणेशाने !

महाकाय गजवदन आरुढ होऊन मूषक वाहनावर

दूर करतो सगळी विघ्नं म्हणून आनंद पसरतो भूवर

प्रिय अशा दुर्वा-जास्वंदीची फुलं, भक्त वाहती त्यावर

"मंगलमूर्ती मोरया"च्या जल्लोषात रमतो जन-सागर !

@तिलोत्तमा विजय लेले

🙏🕉️🔆