कविता :🌷' ओलेती '

कविता :🌷' ओलेती '

कवयित्री : तिलोत्तमा विजय लेले

तारिख : सोमवार, २६ जून २०२३

वेळ : ११ वाजून २९ मि.

आलं आभाळ दाटून

झालं सावळं-सावळं

भूमी आतुर होऊन

अंतरंगी खळं-बळं 

भुरुभुरु पाऊस पडतो

मनास भुरळ घालतो

वा-याची झुळुक होऊन

कानी संदेश तो देतो !

ओल्या मातीचा सुगंध

मनास बेधुंद करीतो

मनाचा गाभारा भरून

हुंकार भरू लागतो !

पाना-पानावर थेंबांची

नक्षी कोरीव काढतो 

दिमाखात सारी सृष्टी

चिंब ओलेती करीतो !

@तिलोत्तमा विजय लेले

🙏🕉️🔆