कविता : 🌷 ' सहनशीलता '
कविता : 🌷 ' सहनशीलता ' कवयित्री : तिलोत्तमा विजय लेले तारिख : गुरुवार, २५ मे २०२३ वेळ : ११ वाजून ४३ मि. खरंच किती गूढ-अगम्य आहे मानवी जीवन जन्म होतो-संस्कारांचे सोपस्कार होतात पण, फारकाळ कधी-कुठे रमतच नाही चंचल मन कळसूत्री बाहुल्यांप्रमाणे सतत वागतो आपण ! खरं तर जेव्हा कशाचाच भरवसा वाटत नसतो, आलेला प्रत्येक अनमोल-क्षण वाया का दवडतो? खुळ्या सारखे सुखाच्या भ्रामक कल्पनेत रमतो ! हातचं सोडून पळत्याच्या मागेच मोकाट धावतो ! स्वभावानं सहनशील असणं ही चांगलीच गोष्ट आणि ती प्रयत्नान्ती, नक्की वाढवायलाच हवी पण दुसऱ्यांनी गृहीत धरावं इतकीही ती नसावी चुकीचा पायंडा बिल्कुल न पाडणारी ती असावी अरेरावी-मग्रूरीला खत-पाणी घालणारी ती नसावी गरजवंताला मदतीचा हात पुढे करणारी ती असावी स्वतः सहन करुन, चुकीची दुरुस्ती तर होतच नाही ! चूक करणार्याच्या लक्षात ती आणून द्यायलाच हवी ! त्यासाठी बाचाबाची-भांडण करण्याची गरजच नाही, काम होऊ शकतं हसून-खेळून-सहानुभूती दाखवूनही जाणीव झाल्यावर ती चूक, तो पुन्हा करणारही नाही ! अन्यथा चुकणार्यांची संख्या कधी कमी होणारच नाही ! जसं सत्पात्री के...